Онлайн-курс дастурлари қизғин давом этмоқда

Айни кунларда Халқаро кураш институтининг «Уч ойлик онлайн-курси» бешинчи гуруҳ тингловчилари учун ўқув машғулотлари қизғин паллада. 

Мазкур курсга дунёнинг турли нуқталаридан 70 нафарга яқин бўлажак кураш мутахассислари жалб этилган. 

11 ҳафтага мўлжалланган назарий таълим дастури соҳа учун зарур бўлган барча йўналишларни, жумладан, кураш тарихи ва назарияси, мураббийлик фаолияти асослари, ягона халқаро ҳакамлик қоидалари, Кураш Усулнинг техник-тактик қоидалари, кураш бўйича мусобақаларни ташкил этиш ҳамда бутунжаҳон антидопинг қоидаларига риоя қилиш каби муҳим мавзуларни қамраб олган.

Институт экспертлари иштирокида Zoom платформаси орқали ўтказилаётган машғулотлар иштирокчиларга билимларни бевосита мутахассислардан ўзлаштириш, интерактив мулоқотда бўлиш ва ўзларини қизиқтирган саволларга батафсил жавоб олиш имконини бермоқда. 

Хусусан, кечаги ҳакамлик бўйича дарслар IKA Техник директори, IKI халқаро эксперти жаноб Рави Капур томонидан олиб борилди. Шунингдек, Халқаро кураш институти Ўқув бўлими ўқитувчилари Н. Чоршамиев, Ш. Қурбонов, О. Равшанов ҳамда халқаро эксперт Ажмал Исҳақ Заи иштирокида кураш усулларининг навбатдаги техник элементлари бўйича амалий-назарий машғулотлар ўтказилди.

<iframe width="1257" height="707" src="https://www.youtube.com/embed/ancexCQPTt8" title="The Three-month Online Course Is Progressing Intensively" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>